ပုဂ္ဂိုလ်စွဲကြည်ညိုခြင်း၏ အပြစ်များ

ပုဂ္ဂလပ္ပသာဒသုတ်

၂၅၀။ ရဟန်းတို့ ပုဂ္ဂိုလ်ကို ကြည်ညိုခြင်း၌ အပြစ်တို့သည် ဤငါးမျိုးတို့တည်း။

အဘယ် ငါးမျိုး တို့နည်း ဟူမူ -

ရဟန်းတို့ ပုဂ္ဂိုလ်တစ်ဦး၏ အကြည်ညိုခံရသော ပုဂ္ဂိုလ်သည် သံဃာက နှင်ထုတ်သင့်သော သဘောရှိသည့် အာပတ်သို့ ရောက်မှုကြောင့် နှင်ထုတ်ခဲ့အံ့၊ ထိုကြည်ညိုသော ပုဂ္ဂိုလ်အား ဤသို့ ဖြစ်တတ်၏။

“ငါချစ်အပ် မြတ်နိုးအပ်သော ပုဂ္ဂိုလ်ကို သံဃာသည် နှင်ထုတ်၏” ဟု ရဟန်းတို့၌ မကြည်ညိုမှု များစွာဖြစ်၏။

ရဟန်းတို့၌ မကြည်ညိုမှု များစွာဖြစ်သည်ရှိသော် အခြားရဟန်းတို့ကို မဆည်းကပ်၊ အခြားရဟန်းတို့ကို မဆည်းကပ်သည်ရှိသော် သူတော်ကောင်းတရားကို မနာယူရ၊ သူတော်ကောင်းတရားကို မနာယူရ သည်ရှိသော် သူတော်ကောင်း တရားမှ ယုတ်လျော့၏။

ရဟန်းတို့ ဤသည်ကား ပုဂ္ဂိုလ်ကို ကြည်ညိုရာ၌ ပဌမ အပြစ်တည်း။

ရဟန်းတို့ နောက်တစ်မျိုးကား ပုဂ္ဂိုလ်တစ်ဦး၏ အကြည်ညိုခံရသော ပုဂ္ဂိုလ်သည် သံဃာက အစွန်အဖျား၌ နေစေသင့်သော သဘောရှိသည့် အာပတ်သို့ ရောက်မှုကြောင့် အစွန်အဖျား၌ နေစေအံ့၊ ထိုကြည်ညိုသော ပုဂ္ဂိုလ်အား ဤသို့ ဖြစ်တတ်၏ -

“ငါချစ်အပ် မြတ်နိုးအပ်သော ပုဂ္ဂိုလ်ကို သံဃာသည် အစွန်အဖျား၌ နေစေ၏” ဟု ရဟန်းတို့၌ မကြည်ညိုမှု များစွာ ဖြစ်၏။

ရဟန်းတို့၌ မကြည်ညိုမှု များစွာဖြစ်သည်ရှိသော် အခြားရဟန်းတို့ကို မဆည်းကပ်၊ အခြားရဟန်းတို့ကို မဆည်းကပ်သည်ရှိသော် သူတော်ကောင်းတရားကို မနာယူရ၊ သူတော်ကောင်းတရားကို မနာယူရ သည်ရှိသော် သူတော်ကောင်းတရားမှ ယုတ်လျော့၏။

ရဟန်းတို့ ဤသည်ကား ပုဂ္ဂိုလ်ကို ကြည်ညိုရာ၌ ဒုတိယ အပြစ်တည်း။

ရဟန်းတို့ နောက်တစ်မျိုးကား ပုဂ္ဂိုလ်တစ်ဦး၏ အကြည်ညိုခံရသော ပုဂ္ဂိုလ်သည် အရပ်တစ်ပါးသို့ ဖဲသွားခဲ့မူ ။ပ။ အကြည်ညိုခံရသော ပုဂ္ဂိုလ်သည် လူထွက်ခဲ့မူ ။ပ။ အကြည်ညိုခံရသော ပုဂ္ဂိုလ်သည် ကွယ်လွန်ခဲ့မူ ထိုကြည်ညိုသော ပုဂ္ဂိုလ်အား ဤသို့ ဖြစ်တတ်၏ -

“ငါချစ်အပ် မြတ်နိုးအပ်သော ပုဂ္ဂိုလ်သည် ကွယ်လွန်၏” ဟု အခြားရဟန်းတို့ကို မဆည်းကပ်၊ အခြားရဟန်းတို့ကို မဆည်းကပ်သည် ရှိသော် သူတော်ကောင်းတရားကို မနာယူရ၊ သူတော်ကောင်းတရားကို မနာယူရသည်ရှိသော် သူတော်ကောင်းတရားမှ ယုတ်လျော့၏။

ရဟန်းတို့ ဤသည်ကား ပုဂ္ဂိုလ်ကို ကြည်ညိုရာ၌ ပဉ္စမ အပြစ်တည်း။

ရဟန်းတို့ ပုဂ္ဂိုလ်ကို ကြည်ညိုခြင်း၌ အပြစ်တို့သည် ဤငါးမျိုးတို့တည်း ဟု (မိန့်တော်မူ၏)။

10. Favourism

025.10. Bhikkhus, these five are the dangers for favouring a person. What five?

Bhikkhus, if a certain person is favoured by a person he falls to a certain ecclesiastical offence, on account of which the Community has to suspend him. Then it occurs to him: That person favoured by us, is suspended by the Community. Displeasure arises among the bhikkhus and they do not associate other bhikkhus. As a result they do not hear the Teaching and they deteriorate in the Teaching. Bhikkhus, this is the first danger in favouring a person ...

Again, bhikkhus, if a certain person is favoured by a person he falls to a certain ecclesiastical offence, on account of which the Community makes him sit at the end. Then it occurs to him: That person favoured by us, is suspended by the Community. Displeasure arises among the bhikkhus and they do not associate other bhikkhus. As a result they do not hear the Teaching and they deteriorate in the Teaching. Bhikkhus, this is the second danger in favouring a person.

Again, bhikkhus, if a certain person is favoured by a person and he becomes unsteady, ... re ... confused in mind, ... re ... or diesòhen it occurs: That person favoured by us, has died. Displeasure arises among the bhikkhus and they do not associate other bhikkhus. As a result they do not hear the Teaching and they deteriorate in the Teaching. Bhikkhus, this is the fifth danger in favouring a person. Bhikkhus, these five are the dangers for favouring a person.

သင်္ချိုင်းနှင့် တူသောသူ

သိဝထိကသုတ်

၂၄၉။ ရဟန်းတို့ သင်္ချိုင်း၌ အပြစ်တို့သည် ဤငါးမျိုးတို့တည်း။

အဘယ်ငါးမျိုးတို့နည်းဟူမူ -

မစင်ကြယ်။

မကောင်းသော အနံ့ရှိ၏။

ဘေးဘျမ်းရှိ၏။

သရဲ သဘက်တို့ နေရာဖြစ်၏။

များစွာသော လူအပေါင်း၏ ငိုကြွေးရာဖြစ်၏။

ရဟန်းတို့ သင်္ချိုင်း၌ အပြစ်တို့သည် ဤငါးမျိုးတို့တည်း။

ရဟန်းတို့ ဤအတူသာလျှင် သင်းချိုင်း ဥပမာရှိသော ပုဂ္ဂိုလ်၌ အပြစ်တို့သည် ဤငါးမျိုးတို့တည်း။

အဘယ်ငါးမျိုးတို့နည်းဟူမူ -

ရဟန်းတို့ ဤလောက၌ အချို့သော ပုဂ္ဂိုလ်သည် မစင်ကြယ်သော ကာယကံနှင့် ပြည့်စုံ၏၊ မစင်ကြယ်သော ၀စီကံနှင့် ပြည့်စုံ၏၊ မစင်ကြယ်သော မနောကံနှင့် ပြည့်စုံ၏၊ ဤသည်ကို ထိုပုဂ္ဂိုလ်၏ မစင်ကြယ်မှု ဟူ၍ ငါဆို၏။

ရဟန်းတို့ ထိုသင်္ချိုင်းသည် မစင်ကြယ် သကဲ့သို့ ဤပုဂ္ဂိုလ်ကို ထိုသင်္ချိုင်း ဥပမာရှိသူ ဟူ၍ ငါဆို၏။

မစင်ကြယ်သော ကာယကံ မစင်ကြယ်သော ၀စီကံ မစင်ကြယ်သော မနောကံနှင့် ပြည့်စုံသော ထိုပုဂ္ဂိုလ်အား မကောင်းသော ကျော်စောသံသည် ပျံ့နှံ့၍ ထွက်၏၊ ဤသည်ကို ထိုပုဂ္ဂိုလ်၏ မကောင်းသော အနံ့ ဟူ၍ ငါ ဆို၏။

ရဟန်းတို့ ထိုသင်္ချိုင်းသည် မကောင်းသော အနံ့ရှိသကဲ့သို့ ဤပုဂ္ဂိုလ်ကို ထိုသင်္ချိုင်း ဥပမာ ရှိသူဟူ၍ ငါဆို၏။

မစင်ကြယ်သော ကာယကံ မစင်ကြယ်သော ၀စီကံ မစင်ကြယ်သော မနောကံနှင့် ပြည့်စုံသော ထိုပုဂ္ဂိုလ်ကို သီလကို ချင်ခင်မြတ်နိုး ကုန်သော သီတင်းသုံးဖော်တို့သည် ဝေးစွာ ရှောင်ကြဉ်ကုန်၏၊

ဤသည်ကို ထိုပုဂ္ဂိုလ်၏ ဘေးဘျမ်းနှင့်တကွ ဖြစ်ခြင်း ဟူ၍ ငါဆို၏။

ရဟန်းတို့ ထိုသင်္ချိုင်းသည် ဘေးဘျမ်းနှင့်တကွ ဖြစ်သကဲ့သို့ ဤပုဂ္ဂိုလ်ကို ထိုသင်္ချိုင်း ဥပမာရှိသူ ဟူ၍ ငါဆို၏။

မစင်ကြယ်သော ကာယကံ မစင်ကြယ်သော ၀စီကံ မစင်ကြယ်သော မနောကံနှင့် ပြည့်စုံသော ထိုပုဂ္ဂိုလ်သည် သဘောတူ ပုဂ္ဂိုလ်တို့နှင့် အတူနေ၏၊ ဤသည်ကို ထိုပုဂ္ဂိုလ်၏ သရဲ သဘက်အဖြစ် ဟူ၍ ငါဆို၏။

ရဟန်းတို့ ထိုသင်္ချိုင်းသည် သရဲ သဘက်တို့၏ နေရာ ဖြစ်သကဲ့သို့ ဤပုဂ္ဂိုလ်ကို ထိုသင်္ချိုင်း ဥပမာရှိသူ ဟူ၍ ငါဆို၏။

မစင်ကြယ်သော ကာယကံ မစင်ကြယ်သော ၀စီကံ မစင်ကြယ်သော မနောကံနှင့် ပြည့်စုံသော ထိုပုဂ္ဂိုလ်ကို သီလကို ချစ်မြတ်နိုးကုန်သော သီတင်းသုံးဖော်တို့သည် မြင်၍-

“ငါတို့သည် ဤသို့ သဘောရှိသော ပုဂ္ဂိုလ်တို့နှင့် အတူနေရ၏၊ ငါတို့အား ဆင်းရဲလေစွတကား” ဟု ရှုတ်ချကုန်၏၊ ဤသည်ကို ထိုပုဂ္ဂိုလ်၏ ငိုကြွေးရာဟူ၍ ငါဆို၏။

ရဟန်းတို့ ထိုသင်္ချိုင်းသည် လူအများ၏ ငိုကြွေးရာ ဖြစ်သကဲ့သို့ ဤပုဂ္ဂိုလ်ကို ထိုသင်္ချိုင်း ဥပမာရှိသူ ဟူ၍ ငါဆို၏။

ရဟန်းတို့ သင်္ချိုင်းနှင့် တူသော ပုဂ္ဂိုလ်၌ အပြစ်တို့သည် ဤငါးမျိုးတို့တည်း ဟု (မိန့်တော်မူ၏)။

9. Sãvathikasuttaü Ý A cemetery

025.09. Bhikkhus, these five are the dangers of a cemetery. What five?

It is impure, has evil smells, it is with fear, it is the dwelling of troublesome non-humans, it is the wailing place for many. Bhikkhus, these five are the dangers of a cemetery.

Bhikkhus, in the same manner these are the five dangers of a person comparable to a cemetery. What five?

Here, bhikkhus, a certain person is endowed with impure bodily, verbal and mental activity. This I say, is his impurity. Bhikkhus, just as that cemetery is impure, so also is this person.

Ill fame spreads of that person who has impure bodily, verbal and mental activity. This I say, is his evil smell. As the cemetery smells, so too this person.

The well behaved bhikkhus avoid this one endowed with impure bodily, verbal and mental activities from a distance, to that I say he is with fear. As the cemetery is with fear, so also this person.

This person with impure bodily, verbal and mental activity associates a person, of the same category. This I say, is the troublesome living together. As the cemetery is dwelling of troublesome non-humans, so also this person's dwelling.

The well behaved bhikkhus, seeing this person with impure bodily, verbal and mental activities turn away from him -thinking O! it is unpleasant to live with such a person. That I say, is the wailing. Bhikkhus, just as the cemetery is the wailing place of many, so also is this person. Bhikkhus, these five are the dangers of a person comparable to a cemetery.

ပါရမီဆယ်ပါး ဘုရားဟော မဟော

“သမ္မာသမ္ဗောဓိဆုပန်သော ပုဂ္ဂိုလ်သည် ဗုဒ္ဓဖြစ်ရန် ဘ၀ပေါင်းများစွာ ပါရမီဆည်းပူးရ၏။ ပါရမီဟူသော ပုဒ်ကို နိကာယ်လေးကျမ်း၌ အလျဉ်းမတွေ့ရချေ။ ဗုဒ္ဓတရားများကို ဂဏန်း အရေအတွက်နှင့် ခွဲခြား၍ စုံလင်စွာပြသော ဒီဃနိကာယ် ဒသုတ္တရသုတ်နှင့် သင်္ဂီတိသုတ်များ၌ပင် လုံးဝ ပြမထားချေ။ ဇာတကဂါထာ၌လည်း မတွေ့ရဘဲ ပိဋကတ်ထဲ၌ အလွန်နောက်ကျမှ ၀င်လာသော ဇာတကအဋ္ဌကထာ ဗုဒ္ဓ၀ံသနှင့် စရိယာပိဋကတ်ကျမ်းများ၌သာ တွေ့ရ၏။

သို့ဖြစ်၍ ပါရမီတရားသည် ဗုဒ္ဓဟောသောတရား မဟုတ်ဘဲ ဗုဒ္ဓကို အရိယာပုဂ္ဂိုလ်များနှင့် ခွဲခြားရန် နောက်မှ ပိဋကတ်ထဲသို့ ၀င်လာသော တရားဖြစ်တန်ရာ၏။

ရှေးသက္ကဋပိဋကတ်၌ ဒါန၊ သီလ၊ ခန္တီ၊ ၀ီရိယ၊ ပညာ၊ ဈာန-ဟူ၍ ပါရမီအပြား ၆ ပါးလာ၏။ ထေရ၀ါဒီတို့ကမူ ဈာနပါရမီကို ဖြုတ်၍ နိက္ခမ၊ သစ္စာ၊ အဓိဋ္ဌာန၊ မေတ္တာနှင့် ဥပေက္ခာကို ဖြည့်စွက်ကာ ပါရမီ ၁၀-ပါး ပြုလုပ်ထားလေ၏။”

အထက်ပါကောက်နှုတ်ချက်သည် ဦးအေးမောင် (စာပေဗိမာန်) ၏ “ဗုဒ္ဓနှင့် ဗုဒ္ဓ၀ါဒ” ကျမ်းစာအုပ်မှ ဖြစ်၏။ ပါရမီ-ဟူသော ဝေါဟာရနှင့် ရင်းနှီးကျွမ်းဝင်နေကြပြီးဖြစ်ကုန်သော ဗုဒ္ဓဘာသာဝင် သူတော်စင်တို့အဖို့ကား အထက်ပါမှတ်ချက်သည် အံ့သြစရာ ထိတ်လန့်စရာကြီးဖြစ်၏။

“ဗုဒ္ဓနှင့် ဗုဒ္ဓ၀ါဒ” ကျမ်းပြုဆရာက ပါရမီ-ဟူသောပုဒ် ပါရှိသော ပါဠိတော်စာရင်းကို စရိယာပိဋကနှင့် ဗုဒ္ဓ၀ံသ-ဟု နှစ်ကျမ်းသာ ထုတ်ပြ၏။ ထိုကျမ်းများသည် ပိဋကတ်ထဲ နောက်ကျမှ ရောက်လာသော ကျမ်းများဖြစ်သောကြောင့် ပါရမီတရားသည် မူလက ဗုဒ္ဓဟောကြားသော တရား မဖြစ်နိုင်ဘဲ နောက်ကျမှ ဗုဒ္ဓကို ကျန်အရိယာပုဂ္ဂိုလ်များနှင့် ခွဲခြားရန် ပိဋကတ်ထဲသို့ ၀င်လာသော တရားများဖြစ်ရမည်-ဟု ကောက်ချက်ချထား၏။

စရိယာပိဋက နှင့် ဗုဒ္ဓ၀ံသ ပါဠိတော်များကို ပိဋကတ်ထဲသို့ နောက်ကျမှ ၀င်လာသော ကျမ်းများပါဟု သူကိုယ်တိုင် ခိုင်မာသော ငြင်းဆိုဖို့ခက်ခဲသော အကြောင်းပြချက်များ မပေးနိုင်ဘဲ အနောက်နိုင်ငံမှ ဗုဒ္ဓဘာသာဝင်မဟုတ်သူ စာရေးဆရာအချို့၏ ကောက်ချက်ချမှုကို အခိုင်အမာယူဆ၍ ပြောဆိုနေခြင်း ဖြစ်၏။ တဖန် ဗုဒ္ဓကို သာမန်ပုဂ္ဂိုလ်အဖြစ် သူကိုယ်တိုင် ယူဆ၏၊ သူတစ်ပါးတို့ကိုလည်း ယူဆစေလို၏။ ထိုသို့ ဗုဒ္ဓအား သာမန်ပုဂ္ဂိုလ်အဖြစ်ယူဆချက် ခိုင်မာဖို့ရာ “ဗုဒ္ဓသည် ဘုရားဖြစ်ဖို့ရန် လေးသင်္ချေနှင့် ကမ္ဘာတစ်သိန်း ပါရမီဆယ်ပါး အပြားသုံးဆယ်တို့ကို ဖြည့်ကျင့်ခဲ့ရသည်”ဟူသော ဗုဒ္ဓဘာသာဝင်တို့၏ ယုံကြည်ချက်ကို ချေဖျက်ပစ်ဖို့ လို၏။ ထို့ကြောင့် “ဗုဒ္ဓသည် ပါရမီတော်တို့ကို ဖြည့်ကျင့်ပြီးမှ ဘုရားဖြစ်လာသော ထူးခြားမြင့်မြတ်သော ပုဂ္ဂိုလ်မဟုတ်၊ ထိုသို့ထူးခြားမြင့်မြတ်သော ပုဂ္ဂိုလ်မဟုတ်ပါပဲလျက် အခြားအရိယာများထက် ထူးခြားမြင့်မြတ် သယောင် ဟန်ဆောင်လုပ်ကြံလိုကြသူတို့က ဗုဒ္ဓနှင့် သာဝကတို့ကို အဆင့်အတန်း ခွဲခြားရန် ပါရမီ-ဟူသော ပေတံကို လုပ်ကြံဖန်တီးကြကုန်၏-ဟု အဆိုပြု၏။

သူပြောသလို ပါရမီ-ဟူသောပုဒ်သည် စရိယာပိဋကနှင့် ဗုဒ္ဓ၀ံသတွင်သာ ပါပါသလော။ မဟုတ်ပါ။ ပရိဝါပါဠိတော်၊ အပါဒါန်ပါဠိတော်နှင့် မိလိန္ဒပဉှာတို့တွင်လည်း ပါရှိပါသည်။ နမူနာ တစ်ခု ထုတ်ပြပါမည်။

ဒုက္ကရံ ၀ိဝိဓံ ကတွာ၊ ပူရယိတွာန ပါရမီ။

ဥပ္ပဇ္ဇန္တိ မဟာဝီရာ၊ စက္ခုဘူတာ သဗြဟ္မကေ။ (၀ိ၊ ၅၊ ၁၅၇)

ဝိ၀ိဓံ- အထူးထူးသော အပြားရှိသော၊ ဒုက္ကရံ - ခဲယဉ်းသဖြင့် ပြုအပ်သော စွန့်ခြင်းကြီးငါးပါး အစရှိသည်ကို၊ ကတွာ- ပြုတော်မူပြီး၍လည်းကောင်း၊ ပါရမီ- ဆယ်ပါးသော ပါရမီတော်တို့ကို၊ ပူရယိတွာန- ဖြည့်တော်မူပြီး၍လည်းကောင်း၊ သဗြဟ္မကေ- ဗြဟ္မာနှစ်ဆယ်နှင့်တကွသော သတ္တလောက၌၊ စက္ခုဘူတာ- ပညာမျက်စိသဖွယ် ဖြစ်တော်မူကြကုန်သော၊ မဟာဝီရာ- ကြီးမြတ်သော လုံ့လရှိတော်မူသော ဘုရားရှင်တို့သည်၊ ဥပ္ပဇ္ဇန္တိ- ပွင့်တော်မူကြကုန်၏။ (ပရိဝါ-ဘာဋီ၊ ၃၉၈)

မိလိန္ဒပဉှာ (ပထ၀ီစလနပဉှာ) တွင်လည်း ပါရမီဟူသော စကားလုံး ပါရှိပါသေးသည်။

စရိယာပိဋကပါဠိတော် (နှာ-၃၉၈) အပဒါန်ပါဠိတော် (အပ၊၁၊၃၅၉။ အပ၊၂၊ ၂၆၉) တို့တွင်လည်း ကြည့်နိုင်ပါသည်။ ကိုယ်တိုင် ပါဠိ-အဋ္ဌကထာ-ဋီကာ မကြည့်နိုင်ဘဲ သူများပြောစကား တဆင့်ကြားဖြင့် အခိုင်အမာ မဆိုသင့်ပါ။ ဘုရားရှင်၏ အကြောင်းခြင်းရာနှင့် ပတ်သက်၍ ဗုဒ္ဓ၀ံသနှင့် စရိယာပိဋကတွင် တသီးတသန့် ပြည့်စုံစွာ ပြဆိုပြီး ဖြစ်၍ ဒသုတ္တရသုတ်စသည်တို့၌ မပါရုံမျှဖြင့်လည်း ဘုရားဟော မဟုတ်ဟု မဆိုနိုင်ပါ။ ၀ိနည်းပညတ်ချက်များကို ၀ိနယပိဋကတွင် သီးသန့် ပြည့်စုံစွာ ပြဆိုထားပြီးဖြစ်၍ အခြားသော သုတ္တန် အဘိဓမ္မာတို့၌ ၀ိနည်းသိက္ခာပုဒ်များ မပါရှိသဖြင့် ၀ိနည်းသည် ဘုရားဟော မဟုတ်ဟု မဆိုနိုင်သကဲ့သို့တည်း။

ဗုဒ္ဓ၀ါဒကျမ်းဆရာက ပါရမီဟူသောပုဒ်ပါရှိရာ အဋ္ဌကထာကို ဇာတကအဋ္ဌကထာ တစ်အုပ်သာ ထုတ်ပြ၏။ အခြားဝိဘတ်များမပါဘဲ ပါရမီ-ဟူသော ပုဒ်ချည်းသက်သက် အဋ္ဌကထာရှစ်အုပ်တွင် နှစ်ဆယ့်သုံးနေရာ ပါပါသည်။

အဋ္ဌကထာ ဋီကာများတွင် ဘုရားဟောဟု ညွှန်းဆိုထားသော ပါရမီဟူသော စကားလုံးကို မသုံးဘဲ အခြားစကားလုံးများဖြင့် သုံးနှုန်းဟောကြားတော်မူသော ပါရမီတရား ဆယ်ပါးပါဝင်သော ဒေသနာများလည်း ရှိပါသေးသည်။

ကတိ နု ခေါ ဘန္တေ ဗုဒ္ဓကာရကာ ဓမ္မာ၊ ဒသ ခေါ သာရိပုတ္တ ဗုဒ္ဓကာရကာ ဓမ္မာ။ ကတမေ ဒသ၊ ဒါနံ ခေါ သာရိပုတ္တ ဗုဒ္ဓကာရကော ဓမ္မော၊ သီလံ - နေက္ခမ္မံ- ပညာ- ၀ီရိယံ ခန္တိ သစ္စံ အဓိဋ္ဌာနံ မေတ္တာ ဥပေက္ခာ ဗုဒ္ဓကာရကော ဓမ္မော။ ဣမေ ခေါ သာရိပုတ္တ ဒသ ဗုဒ္ဓကာရကာ ဓမ္မာ။ (စရိယာ၊ဋ္ဌ၊၂၇၀။ ဒီ၊ဋီ၊၁၊ ၆၈၊ သီ၊ဋီ၊သစ်၊၁၊ ၂၄၈။)

(ဘုရားအဖြစ်ကို ပြုတတ်ကုန်သော တရားများ မည်မျှရှိပါသနည်း-ဟု ဘုရားရှင်အား အရှင်သာရိပုတ္တရာက မေးလျှောက်ရာ ဒါန သီလ (ပ) မေတ္တာ ဥပေက္ခာ-ဟူသော တရားဆယ်မျိုးသည် ဘုရားအဖြစ်ကို ပြုတတ်ကုန်သော တရားတို့တည်း-ဟု ပါရမီဆယ်ပါးကို ထုတ်ပြတော်မူသော သုတ်ဖြစ်သည်။ ယခုလက်ရှိ ဆဋ္ဌမူ ပါဠိတော်တွင်ကား ရှာမတွေ့ပါ။)

“ကတိ ပန ဘန္တေ ဗောဓာယစရန္တာနံ ဗောဓိသတ္တာနံ အဇ္ဈာသယာတိ။

ဒသံ ခေါ သာရိပုတ္တ ဗောဓာယစရန္တာနံ ဗောဓိသတ္တာနံ အဇ္ဈာသယာ၊ ကတမေ ဒသ၊ ဒါနဇ္ဈာသယာ သာရိပုတ္တ ဗောဓိသတ္တာ မစ္ဆေရ ဒေါသဒဿာဝိနော၊ သီလဇ္ဈာသယာ သာရိပုတ္တ ဗောဓိသတ္တာ အသံဝရေ ဒေါသဒဿာဝိနော၊ နေက္ခမ္မဇ္ဈာသယာ သာရိပုတ္တ ဗောဓိသတ္တာ ကာမေသု ဒေါသဒဿာဝိနော၊ ယထာဘူတဉာဏဇ္ဈာသယာ သာရိပုတ္တ ဗောဓိသတ္တာ ၀ိစိကိစ္ဆာယ ဒေါသဒဿာဝိနော၊ ၀ိရိယဇ္ဈာသယာ သာရိပုတ္တာ ကောသဇ္ဇေ ဒေါသဒဿာဝိနော၊ ခန္တိဇ္ဈာသယာ သာရိပုတ္တ ဗောဓိသတ္တာ အက္ခန္တိယံ ဒေါသဒဿာဝိနော၊ သစ္စဇ္ဈာသယာ သာရိပုတ္တ ဗောဓိသတ္တာ ၀ိသံဝါဒနေ ဒေါသဒဿာဝိနော၊ အဓိဋ္ဌဇ္ဈာသယာ သာရိပုတ္တ အနဓိဋ္ဌာနေ ဒေါသဒဿာဝိနော၊ မေတ္တာဇ္ဈာသယာ သာရိပုတ္တ ဗောဓိသတ္တာ ဗျာပါဒေ ဒေါသဒဿာဝိနော၊ ဥပေက္ခာ အဇ္ဈာသယာ သာရိပုတ္တ ဗောဓိသတ္တာ သုခဒုက္ခေသု အာဒီန၀ဒဿာဝိနော။ (ဒီ၊ဋီ၊၁၊ ၇၃။ သီ၊ဋီ၊သစ်၊ ၂၆၀) (ပေယျာလဖော်ထားသည်)

(ဘုရားအလောင်းတို့၏ အဇ္ဈာသယ ဆယ်ပါးအဖြစ် ပါရမီဆယ်ပါးကို ထုတ်ပြထားသော သုတ်တည်း။ ထိုသုတ်လည်း ယခုလက်ရှိပါဠိတော်တွင်ကား ရှာမတွေ့ပါ။ အာဂုံဆောင်ခေတ်က အသိများပြီး မထူးခြားသောသုတ်များကို အလေးမထားသောကြောင့် ပျောက်ပျက်ကုန်ခြင်းလည်း ဖြစ်နိုင်သည်။ သံယုတ္တနိကာယ်တွင် သုတ်ပေါင်း ၇၇၆၂-ပါရှိသည်ဟု အဋ္ဌကထာ၌ ဆိုထားသော်လည်း ယခုလက်ရှိ ဆဋ္ဌမူတွင် သုတ်ပေါင်းသုံးထောင်ကျော်သာ ရှိတော့၏။)

“ရှေးသက္ကဋပိဋကတ်၌ ဒါန၊ သီလ၊ ခန္တီ၊ ၀ီရိယ၊ ပညာ၊ ဈာန-ဟူ၍ ပါရမီအပြား ၆ ပါးလာ၏။ ထေရ၀ါဒီတို့ကမူ ဈာနပါရမီကို ဖြုတ်၍ နိက္ခမ၊ သစ္စာ၊ အဓိဋ္ဌာန၊ မေတ္တာနှင့် ဥပေက္ခာကို ဖြည့်စွက်ကာ ပါရမီ ၁၀-ပါး ပြုလုပ်ထားလေ၏။” ဟု ဆိုလာပြန်၏။

သူပြောပုံအရ သက္ကဋပိဋကတ်က အရင်ပေါ်ပြီး ထေရ၀ါဒီတို့၏ ပါဠိပိဋကတ်က နောက်မှ ပေါ်ပေါက်သကဲ့သို့ ဖြစ်နေ၏။ ပါရမီခြောက်ပါးယူနည်းမှာ အထူးအဆန်း မဟုတ်ပါ။ ထေရ၀ါဒီတို့၏ ပါဠိပိဋကတ်တွင်လည်း ဖော်ပြပါရှိပါသည်။ ဆယ်ပါးအနေဖြင့် ဘုရားဟော တိုက်ရိုက်ရှိခြင်းကြောင့် ထေရ၀ါဒီတို့က ဆယ်ပါးကိုသာ အတည်ပြု ဟောပြောရေးသားကြပါသည်။ ဆယ်ပါးကို ခြောက်ပါးအဖြစ် ဆွဲငင်သိမ်းယူနိုင်ပုံကို ပိဋကတ်တွင် အောက်ပါအတိုင်း ဖော်ပြထား၏။

ကော သင်္ဂဟောတိ ဧတ္ထ ပန ယထာ ဧတာ ၀ိဘာဂတော တိံသ၀ိဓာပိ ဒါနပါရမီအာဒိဘာဝတော ဒသ၀ိဓာ၊ ဧ၀ံ ဒါနသီလခန္တိဝီရိယဈာနပညာသဘာဝေန ဆဗ္ဗိဓာ။ (ပ) အဓိဋ္ဌာနပါရမီ သဗ္ဗာဟိပိ သင်္ဂဟိတာတိ။ (ဒီ၊ဋီ၊၁၊ ၉၄)

“ဒါနစသော ပါရမီတို့သည် သုံးဆယ်မှ ဆယ်ပါးဖြစ်သကဲ့သို့ ဤအတူ ဒါနပါရမီ, သီလပါရမီ, ခန္တီပါရမီ, ၀ီရိယပါရမီ, ဈာနပါရမီ, ပညာပါရမီ-ဟူ၍ သဘာဝအားဖြင့် ခြောက်မျိုးရှိ၏။

၁။ နေက္ခမ္မပါရမီကို ရှင်ရဟန်းဖြစ်နေခိုက် သီလပါရမီဖြင့်လည်းကောင်း, နီဝရဏတို့မှ ကင်းဆိတ်မှုဖြစ်နေချိန်၌ ဈာနပါရမီဖြင့်လည်းကောင်း, ကုသိုလ်တရားများဖြစ်နေသော် ဒါနစသော ပါရမီခြောက်မျိုးလုံးတို့ဖြင့်လည်းကောင်း သိမ်းယူပါ။

၂။ သစ္စပါရမီကို ၀စီသစ္စာ ၀ိရတီသစ္စာအဖို့၌ ပါဝင်လျှင် သီလပါရမီဖြင့် သိမ်းယူ၍ ဉာဏသစ္စာ အဖို့၌ ပါဝင်ခိုက်ဖြစ်လျှင် ပညာပါရမီဖြင့် သိမ်းယူပါ။

၃။ မေတ္တာပါရမီကို ဈာနပါရမီဖြင့် သိမ်းယူပါ။

၎။ ဥပေက္ခာပါရမီကို ပညာပါရမီဖြင့် သိမ်းယူပါ။

၅။ အဓိဋ္ဌာနပါရမီကို ဒါနစသော ပါရမီခြောက်ပါးတို့ဖြင့် သိမ်းယူပါ။

မည်သို့ပင်ဖြစ်စေ ဗုဒ္ဓဘာသာဝင်မှန်သမျှ (ထေရ၀ါဒရော မဟာယာနပါ) “ပါရမီပါမှ ဘုရားဖြစ်သည်၊ ဘုရားဖြစ်ဖို့ရာ ပါရမီတော်တို့ကို ဖြည့်ကျင့်ရသည်” ဆိုသည်ကို လက်ခံယုံကြည်ကြပါသည်။

“အကြောင်းအကျိုး သဘောတရားကိုမျှ လက်မခံနိုင် နားမလည်နိုင်သော၊ ကံနှင့် ကံ၏အကျိုးကို ပယ်လိုသော၊ ရှေးဘ၀ နောက်ဘ၀တို့ကို မယုံကြည်လိုသော၊ ဘုရားကိုပင် သာမန် ဉာဏ်ကြီးရှင်တစ်ယောက်အဖြစ်သာ ယူဆလိုသော သူတို့သည်သာ” ပါရမီတရားနှင့် ဘုရားလောင်း၏ ပါရမီဖြည့်ကျင့်ရပုံတို့ကို လှောင်ပြောင်ရှုတ်ချနေကြသည်ကို တွေ့မြင်ရ၏။

အဂုင်္တ္တိုရ်ပါဠိတော်တွင် ---

“ဧကပုဂ္ဂလဿ ဘိက္ခဝေ ပါတုဘာဝေါ ဒုလ္လဘော လောကသ္မိံ၊ ကတမဿ ဧကပုဂ္ဂလဿ၊ တထာဂတဿ အရဟတော သမ္မာသမ္ဗုဒ္ဓဿ၊ ဣမဿ ခေါ ဘိက္ခဝေ ဧကပုဂ္ဂလဿ ပါတုဘာဝေါ ဒုလ္လဘော လောကသ္မိန္တိ။” (အံ၊၁၊၂၂)

“ရဟန်းတို့၊ သတ္တလောက၌ တစ်ယောက်သောပုဂ္ဂိုလ်၏ ထင်ရှားဖြစ်ပေါ်လာခြင်းသည် အလွန်ရခဲ၏။ အဘယ်မည်သော တစ်ယောက်သောပုဂ္ဂိုလ်၏ ထင်ရှားဖြစ်ပေါ်လာခြင်းသည် အလွန်ရခဲသနည်းဟူမူကား…။

ပူဇော်အထူးကို ခံတော်မူထိုက်သော မဖောက်မပြန် သယမ္ဘူဉာဏ်ဖြင့် အမှန်သိတော်မူသော သဗ္ဗညုမြတ်စွာဘုရား၏ ထင်ရှားဖြစ်ပေါ်လာခြင်းသည် အလွန်ရခဲ၏” ဟူ၍ အဂုင်္တ္တရနိကာယ် ဟောတော်မူထား၏။

ထိုသုတ်၏ အဖွင့်အဋ္ဌကထာ၌လည်း “ကသ္မာ ဒုလ္လဘောတိ= (အဘယ်ကြောင့် အလွန်ရခဲသနည်း) ဟု အမေးပုစ္ဆာထုတ်ကာ “ဒါနပါရမီကို တစ်ကြိမ်သာဖြည့်၍ ဘုရားဖြစ်နိုင်သည် မဟုတ်၊ နှစ်ကြိမ် ဆယ်ကြိမ် အကြိမ်နှစ်ဆယ် အကြိမ်ငါးဆယ် အကြိမ်တစ်ရာ အကြိမ်တစ်ထောင် အကြိမ်တစ်သိန်း အကြိမ်တစ်ကုဋေ အကြိမ်ကုဋေတစ်ရာ အကြိမ်ကုဋေတစ်ထောင် အကြိမ်ပေါင်း ကုဋေတစ်သိန်း ဒါနပါရမီကိုဖြည့်၍ ဘုရားဖြစ်နိုင်သည်မဟုတ်၊ ထို့အတူ တစ်ရက် နှစ်ရက် ဆယ်ရက် (ပ) ရက်ပေါင်း ကုဋေတစ်သိန်း ဒါနပါရမီကို ဖြည့်၍ ဘုရားဖြစ်နိုင်သည် မဟုတ်။ တစ်လနှစ်လ လပေါင်းကုဋေတစ်သိန်း၊ တစ်နှစ် နှစ်နှစ် နှစ်ပေါင်းကုဋေတစ်သိန်း၊ မဟာကပ်ကြီးတစ်ကပ် နှစ်ကပ် မဟာကပ်ကြီးပေါင်း ကုဋေတစ်သိန်း၊ မဟာကပ်ကြီးပေါင်း တစ်သင်္ချေ နှစ်သင်္ချေ သုံးသင်္ချေ ဒါနပါရမီကို ဖြည့်၍ ဘုရားဖြစ်နိုင်သည် မဟုတ်။ (သီလပါရမီ နေက္ခမ္မပါရမီ ပညာပါရမီ ၀ီရိယပါရမီ ခန္တီပါရမီ သစ္စာပါရမီ အဓိဋ္ဌာနပါရမီ မေတ္တာပါရမီ ဥပေက္ခာပါရမီတို့၌လည်း ဤနည်းအတူပင်။) စင်စစ်သော်ကား အောက်ထစ်ဆုံးအပိုင်းအခြားအားဖြင့် ကမ္ဘာပေါင်း ဤရွေ့ဤမျှဟု မရေတွက် မပိုင်းခြားနိုင်သည့် လေးအသင်္ချေနှင့် ကမ္ဘာတစ်သိန်းကာလပတ်လုံး ပါရမီအဆောက်အဦ အလုံးစုံတို့ကို တစ်ခုမကျန် အခါမပြတ် ဘ၀မလပ်အောင် လေးမြတ် စုံမက် နှစ်သက် ကြည်ညို အလွန်ရိုသေစွာ ဖြည့်ကျင့်ဆည်းပူး ပွားများတော်မူမှ သဗ္ဗညုမြတ်စွာဘုရား ဖြစ်တော်မူနိုင်သည်။ ဤအကြောင်းကြောင့် ဘုရားသဗ္ဗညုတည်းဟူသော တစ်ယောက်သော ပုဂ္ဂိုလ်ကို သတ္တလောက၌ အလွန် ရခဲလှ၏။”ဟု ဖွင့်ပြတော်မူသည်။

ထိုသုတ်၏ အဖွင့်ဋီကာ၌လည်း…

“အောက်အစွန်းအားဖြင့် လေးအသင်္ချေနှင့် ကမ္ဘာတစ်သိန်းကာလကြာအောင် ဘ၀မပြတ် ပါရမီတို့ကို ဖြည့်ကျင့်မှသာ သဗ္ဗညုဘုရားဖြစ်နိုင်သည်။ တစ်ပါးသော နည်းလမ်းဖြင့် မဖြစ်နိုင်။ ဤအကြောင်းကြောင့် ဘုရားရှင်တို့၏ ထင်ရှားဖြစ်ပွင့်တော်မူခြင်းကို အလွန်ရခဲလှ၏” ဟု ဖွင့်ပြလေသည်။ (မဟာဗုဒ္ဓ၀င်၊ပတွဲ၊၂၉-၃၁)

“မမံ ၀ါ ဘိက္ခဝေ ပရေ အ၀ဏ္ဏံ ဘာသေယျုံ၊ ဓမ္မဿဝါ အ၀ဏ္ဏံ ဘာသေယျုံ၊ သံဃဿ ၀ါ အ၀ဏ္ဏံ ဘာသေယျုံ၊ တတြ တုမှေဟိ အဘူတံ အဘူတတော နိဗ္ဗေဌေတဗ္ဗံ- “ဣတိပေတံ အဘူတံ၊ ဣတိပေတံ အတစ္ဆံ၊ နတ္ထိ စေတံ အမှေသု၊ န စ ပနေတံ အမှေသု သံဝိဇ္ဇတီ”တိ။ (ဒီ၊၁၊ ၃။)

“ရဟန်းတို့ သူတစ်ပါးတို့သည် ငါ၏ အပြစ်ကိုဖြစ်စေ တရား၏ အပြစ်ကိုဖြစ်စေ သံဃာ၏ အပြစ်ကိုဖြစ်စေ ပြောကြရာ၌ “ဤစကားသည် ဤအကြောင်းကြောင့်လည်း မဟုတ်၊ ဤအကြောင်းလည်း မမှန်၊ စင်စစ်အားဖြင့် ဤအပြစ်သည် ငါတို့၌ ထင်ရှားမရှိ” ဟု မဟုတ်သည်ကို မဟုတ်သည့်အတိုင်း သင်တို့ ဖြေရှင်းရမည်။” - ဟူသော ဗြဟ္မဇာလသုတ်တော်လာ မြတ်စွာဘုရားရှင်၏ မိန့်ခွန်းတော်အတိုင်း ဘုရားတရားသံဃာ ရတနာသုံးပါးနှင့် ပတ်သက်သော မဟုတ်မမှန် လုပ်ကြံစွပ်စွဲမှုများ အထင်မှားအမြင်မှားဖြစ်ကာ တဖက်သတ် လိုသလိုဆွဲကာ ရေးသားဟောပြောမှု များကို အမှန်ရောက်အောင် ဖြေရှင်းပေးရမည့် တာဝန်သည် သာသနာ့ဝန်ထမ်း ရဟန်းသာမဏေတိုင်းတွင် ရှိပါသည်။

ထိုသို့ အမှန်ရောက်အောင် ဖြေရှင်းနိုင်ဖို့အတွက် ပါဠိပိဋကတ်ကို ကျွမ်းကျင်နှံ့စပ်ဖို့ လိုပါသည်။ ပါဠိစာပေ ကျွမ်းကျင်နိုင်နင်းတော်မူသော ပိဋကတ်တော် နှံ့စပ်လိမ်မာတော်မူသော ပါဠိအကျော်အမော် မြစေတီဆရာတော် အဂ္ဂမဟာပဏ္ဍိတ ဘဒ္ဒန္တ၀ိမလဗုဒ္ဓိအရှင်မြတ်ကြီး၏ ခြေတော်ရင်းဝယ် ပညာရင်နို့ သောက်စို့ခွင့်ရကြကုန်သော တပည့်အပေါင်းတို့သည် ဆရာသခင်၏ စနစ်တကျ သင်ပြလမ်းညွှန်မှုတို့ကြောင့် လျင်မြန်စွာ ပါရဂူမြောက် တတ်မြောက်ကြလိမ့်မည်ဟု ယုံကြည်မိပါသည်။ တတ်မြောက်ကျွမ်းကျင်ပြီးနောက် သာသနာ့ရန်စွယ် အန္တရာယ်ဟူသမျှတို့ကိုလည်း ကာကွယ်ဖြေရှင်းနိုင်ကြလိမ့်မည်ဟု မျှော်လင့်မိပါသည်။

အရှင်ကောဝိဒ (ယော)

(မော်လမြိုင်မြို့၊ မြစေတီကျောင်းတိုက်၊ ငွေရတုစာစောင်အတွက် ရေးပေးသော ဆောင်ပါး)

ရဟန္တာအစစ်ကို ဖူးချင်သူ

ယခုအခါ အနယ်နယ်အရပ်ရပ်တွင် ရဟန္တာပေါ်သည်ဟူသော သတင်းများ ဓါတ်တော်ကျသည်ဟူသော သတင်းများ မကြာခဏ ကြားနေရပါသည်။ အချို့သူများမှာ ကိုယ်တိုင်ကိုယ်ကျ သွားရောက်ဖူးမျှော်ကြပြီး ၎င်းပုဂ္ဂိုလ်များထံမှ တဆင့်သတင်းစကားလည်း အမျိုးစုံ ကြားနေရပါသည်။
မြတ်စွာဘုရားသာသနာတော်တွင် ရဟန္တာမဆိတ်သေးသဖြင့် အမှန်တကယ် ရဟန္တာများကို ဖူးတွေ့ခွင့်ရလျှင် ကောင်းမှုပြုလုပ်ရာ လယ်ယာမြေကောင်းဖြစ်သောကြောင့် ယုံကြည်ဖူးမျှော်လှူဒါန်းသူများ အကျိုးများပါ၏။
သို့သော် အများယောင်၍ ယောင်ရသောဘေးမှ ကင်းဝေးရလေအောင် ဗုဒ္ဓဘာသာဝင်အားလုံး သိထားသင့်သည့် အောက်ပါမေးခွန်းများ၏ အဖြေများကို သိရှိလိုပါသည်။
(၁) ရဟန္တာအရှင်များသည် မိမိရဟန္တာဖြစ်ကြောင်း ထုတ်ဖော်ကြေညာပြီး ရက်ရှည်လများ အုံးအုံးကြွက်ကြွက် လာရောက်ဖူးမျှော်ပူဇော်မှုကို ခွင့်ပြုပါသလား။
(၂) ရဟန္တာများ ခန္ဓပရိနိဗ္ဗာန်စံလျှင် ဓါတ်တော်ကျသည်ဆိုရာ၌ မည်သို့သောအခြေအနေ၊ မည်သို့သော ပုံသဏ္ဌာန်တို့အရ ဓါတ်တော်အစစ်ဖြစ်ကြောင်း သိနိုင်ပါသနည်း။
ရဟန္တာအစစ်ကို ဖူးချင်သူ
(သုံးဆယ်မြို့)

(၁) ရဟန္တာအရှင်များသည် မိမိရဟန္တာဖြစ်ကြောင်း ထုတ်ဖော်ကြေညာပြီး ရက်ရှည်လများ အုံးအုံးကြွက်ကြွက် လာရောက်ဖူးမျှော်ပူဇော်မှုကို ခွင့်ပြုပါသလား။
(ရဟန္တာအရှင်များသည် မိမိရဟန္တာဖြစ်ကြောင်း ထုတ်ဖော်ကြေညာပြီး)-ဟူရာ၌ ရဟန္တာပုဂ္ဂိုလ်များသည် ရဟန္တာဖြစ်ကာစ၌ (၁) ငါသိသောတရားကို အလုံးစုံသော လူနတ်ဗြဟ္မာတို့ လျင်မြန်စွာ သိကြပါစေဟု စိတ်ဖြစ်ပေါ်၏။
(၂) မိမိအရဟတ္တဖိုလ်ရကြောင်းကို အခြားသူတို့အား မပြောကြားလိုဟု စိတ်ဖြစ်ပေါ်၏။ ဤသို့ စိတ်ဖြစ်ပေါ်ပုံ အခြင်းအရာနှစ်ပါး ဖြစ်ပေါ်လေ၏။ (သံ၊ဋ္ဌ၊၁၊ ၆၉) ဟူသော အဋ္ဌကထာမှတ်ချက်နှင့်
“အကြင်ရဟန်းသည် ရဟန်းမဟုတ်သော သူအား လူတို့၏ ကုသိုလ် ကမ္မပထ တရားဆယ်ပါးထက် လွန်မြတ်သော ဈာန်မဂ်ဖိုလ်တရားကို ပြောကြားငြားအံ့၊ ပြောတိုင်း ဟုတ်မှန်သော် (ထိုရဟန်းအား) ပါစိတ်အာပတ် သင့်၏” ဟူသော ၀ိနည်းသိက္ခာပုဒ်တို့အရ မိမိရဟန္တာဖြစ်ကြောင်း ထုတ်ဖော်မှု မပြုကြပါ။
(၁) ပီတိအဟုန်သည် ဖြစ်စေအပ်သော ဥဒါန်းကျူးခြင်း၊
(၂) သာသနာတော်သည် ၀ဋ်ဆင်းရဲမှ ထွက်မြောက်ကြောင်း အစစ်ဖြစ်သည်ကို ထင်ရှားပြလိုခြင်း ဤအကြောင်းနှစ်ပါးကြောင့်ကား ထုတ်ဖော်ပြောဆိုကြပါ၏။ (ထေရ၊ ၂၁၉)
တဖန်လည်း- ပရိနိဗ္ဗာန်စံကားနီးဖြစ်စေ၊ မစံမီအကြား- ဖြစ်စေ တရားထူး ရ-မရကို အတင်းမေးခြင်း ဟူသောအကြောင်း၊ ဈာယီအရိယာမှန်း မသိ၍ စွပ်စွဲသော ရဟန်းအား အပြစ်မဖြစ်စေလိုခြင်း ဟူသော အကြောင်း၊ အထက်ပုဂ္ဂိုလ်က တရားထူးရပြီးပြီလားဟု မေးခြင်းဟူသော အကြောင်း၊ ဤပုဂ္ဂိုလ်သည် တရားအလုပ်ကို အားထုတ်နေသူတည်းဟု အများသိ၍ အားထုတ်မှု၏ အချည်းနှီးမဖြစ်ကြောင်း ကြားရလျှင် ရွှင်လန်းစေလို အတုလိုက်၍ အားထုတ်စေလိုခြင်းစသော အကြောင်းများကြောင့် ပြောကြပါသည်။ (ပါစိတ်-ဘာဋီ၊ ၁၊ ၅၇)
ဤတွင် ဖျာပုံတိုက်သစ်ဆရာတော်၏ “သုတေသနသမ္မာမဂ္ဂင်္ဂပဉှာကျမ်း” မှ အမေးအဖြေတစ်ခုကို ထုတ်ပြချင်ပါသည်။
ဒကာ။ ။ ယခုအခါ ရဟန္တာတွေက ဟိုကပေါ်သည်ကပေါ်နဲ့ ပြီးတော့လည်း ရဟန္တာတွေပါလို့ အသိအမှတ်ပြု ကြော်ငြာပြီးတော့မှ လူထွက်သွားတဲ့ ရဟန္တာတွေကလည်း ရှိနေပြန်ပါတယ်။
နောက်ပြီး ရဟန္တာအမည်ခံပုဂ္ဂိုလ်ကြီးတစ်ပါးပါးကို ပင့်ဆောင်ကာ မြို့ရွာ အနှံ့အလှူခံပြီး အဲဒီရဟန္တာကြီး ခန္ဓာဝန်ချသွားပြီးတဲ့ နောက်ပိုင်းကျရင် ယင်းပိုင် ကျန်ရစ်သော ပစ္စည်းတွေကို တပည့်ဒကာတွေက အဝေမတဲ့လို့ တရားစွဲကြ၊ ကွဲကြ ပြဲကြနဲ့ ရှုပ်ပွေနေတာတွေ သတင်းစာမှာ တွေ့ရ ဖတ်ရပါတယ်။
ဒါကြောင့် ရဟန္တာဆိုတာ ဘာလဲ၊ ဘယ်လို ပုဂ္ဂိုလ်မျိုးကို ရဟန္တာဟု မှတ်သားကိုးကွယ်ရမှာလဲ ဆရာတော်၊ ရှင်းပြပါဦး ဘုရား။
ဆရာ။ ။ ဒကာကြီးတို့ မှတ်သားဖို့ တရားဓမ္မက္ခန် လာတဲ့အတိုင်း မည်သူ့ကိုမျှ မကိုင်းမစောင်းဘဲ ကောင်းမွန်ဖြောင့်စင်းစွာ တင်းတင်းနဲ့ပဲ ဖြေကြားမယ်နော်။
ရဟန္တာဆိုတာ စိတ်ဓါတ်ကို ညစ်ညူးစေတတ်တဲ့ ကိလေသာအာရုံ ကာမဂုဏ်ရမ္မက်အားလုံးကို ပယ်ပြီး ဖျက်ပြီး ရှင်းပြီး ကင်းပြီးသော သူမြတ်တစ်မျိုးပဲ၊ ရဟန္တာဆိုတာ အဲဒါပဲလို့ မှတ်ရမယ်။ လောကမှာ ဂရန်ပိုင်ဥက္ကဋ္ဌတို့၊ မဟာနာယကတို့၊ အဂ္ဂမဟာပဏ္ဍိတတို့၊ အဘိဓဇမဟာရဋ္ဌဂုရု သာသနာပိုင်တို့ စတဲ့ ဘွဲ့ထူး ဂုဏ်ထူးတွေ၌လည်းကောင်း၊ ဘ၀၌လည်းကောင်း သာယာ ခင်မင် လိုချင်တပ်မက် စွဲလမ်းဆာလောင်မှု သမုဒယတဏှာတွေ လုံးဝကင်းငြိမ်း အေးမြနေသော ပုဂ္ဂိုလ်မျိုးကို ရဟန္တာဟု မှတ်သားကိုးကွယ်နိုင်တယ်။
တစ်နည်း လောကီနယ် အရှုပ်အထွေးမှ ကင်းဝေးစွာ နေလေ့ရှိသော ပုဂ္ဂိုလ်၊ တစ်နည်း စိုးရိမ်သောက ကိလေသာမြူ လုံးဝမရှိသောပုဂ္ဂိုလ်၊ တစ်နည်း လောကုတ္တရာနယ်တွင် အထူးခြား အမြင့်မြတ်ဆုံး အထွတ်အထိပ်သို့ ရောက်သောပုဂ္ဂိုလ်၊ တစ်နည်း ကုသိုလ်အကုသိုလ် ကောင်းမှု မကောင်းမှုကံတို့မှ လုံးဝပယ်စွန့် လွတ်မြောက် ကင်းငြိမ်းပြီးသော ပုဂ္ဂိုလ်မျိုးကို ရဟန္တာဟု မှတ်သားကိုးကွယ်ရမည်။
တစ်နည်း ထိုထိုမြို့ရွာတို့က ပစ္စည်းလေးပါး ရွှေငွေရတနာ လာဘ်လာဘတွေ အလွန်ပေါများစွာ ရရှိမည် ကြွရောက်ပူဇော်ခံတော်မူပါဟူ၍လည်းကောင်း၊ ရှေးက အတူနေ ချစ်ခဲ့ဖူးသော သားမယားဟောင်းက သူ၏သားသမီးများကိုပြကာ မြူဆွယ် ခေါ်ဆောင်၍ သော်လည်းကောင်း ထိုထိုလာဘ်လာဘ သားမယားစတဲ့ ဆွဲဆောင်ပင့်ခေါ်ရာ သူတို့နောက်သို့ လိုချင်လောဘဖြင့် ကောက်ကောက်ပါ မလိုက်တော့ဘဲ မိမိနေမြဲကျောင်း နှင့် တော တောင်ထဲ၌သာ မွေ့လျော်ပျော်ပိုက်ကျင့်သုံးကာ နေတော်မူကြသော ပုဂ္ဂိုလ်မျိုးကို ရဟန္တာဟု မှတ်သား ကိုးကွယ်ရမည်၊ အကျယ်သိချင်ရင် သင်္ဂါမဇိသုတ်ကို ဖတ်ပါ၊ တကယ်တော့ သိရခက်တယ် ဒကာကြီးတို့ရေ၊ ကဲ… ကျေနပ်ရဲ့လား၊ ဒါလောက်ဆို ရိပ်မိရောပေါ့။
ဒကာ။ ။ မှန်ပါ့၊ သိရ မှတ်ရ ခက်ခက်နဲ့ပဲ နှစ်သက်ကျေနပ်ရမှာပါ ဆရာတော်၊ သိပုံသိနည်း ကလေးများကော စာပေမှာ မရှိဘူးလား ဘုရား၊ မိန့်ကြားပါဦး။
ဆရာ။ ။ အင်း… “သံဝါသေန ဇာနိတဗ္ဗံ” တဲ့၊ ရဟန္တာဆိုသူနဲ့ အတူတူ ပေါင်းသင်း နေပြီး သူရဲ့ နေပုံထိုင်ပုံ စားပုံသောက်ပုံ သွားပုံလာပုံ ပြောပုံဆိုပုံ အိပ်ပုံ စပြီးတော့ ပိဋကတ်တော်လာ စာပေနဲ့ညီ၊ မညီ အကဲခတ် စစ်ဆေးကြည့်ပါ၊ ရဟန္တာ အစစ်သည် ၀ိနည်းတော်သိက္ခာပုဒ်ကို အမြဲစောင့်ထိန်းတယ်၊ လုံ၊ မလုံ စောင့်ကြည့်ပေါ့၊ ဒါပဲ၊ သိလျက်နဲ့ ၀ိနည်းမလွန်ကျူးရင် ရဟန္တာအစစ်လို့ မှတ်ပုံတင် လိုက်ပေတော့။
ဒကာ။ ။ မှန်ပါ့၊ ရဟန္တာအစစ် မှတ်ပုံတင်ကို သိရလို့ ၀မ်းသာပါတယ် ဆရာတော်။

(ရက်ရှည်လများ အုံးအုံးကြွက်ကြွက် လာရောက်ဖူးမျှော်ပူဇော်မှုကို ခွင့်ပြုပါသလား)-ဟူရာ၌ အောက်ပါ လာဘသက္ကာရသံယုတ်၊ ဘိက္ခုသုတ်အရ ဖလသမာပတ်၏ အန္တရာယ်ဖြစ်သောကြောင့် ခွင့်ပြုလိမ့်မည် မဟုတ်ပါ။ သာယာနေလိမ့်မည်မဟုတ်ပါ။
၁၇၉။ ရဟန်းတို့ လာဘ်ပူဇော်သကာ အကျော်အစောသည် အာသဝေါကုန်ပြီးသော ရဟန္တာအား သော်လည်း အန္တရာယ်ကို ပြုရန် ဖြစ်နိုင်၏ဟူ၍ ငါ ဆို၏ဟု မိန့်တော်မူ၏။ ဤသို့ မိန့်တော်မူသည်ရှိသော် အသျှင်အာနန္ဒာသည် မြတ်စွာဘုရားအား “အသျှင်ဘုရား လာဘ်ပူဇော်သကာ အကျော်အစောသည် အဘယ် သို့လျှင် အာသဝေါ ကုန်ပြီးသော ရဟန္တာအား အန္တရာယ်ပြုရန် ဖြစ်ပါသနည်း” ဟု လျှောက်၏၊
အာနန္ဒာ လာဘ်ပူဇော်သကာ အကျော်အစောကို ထိုရဟန္တာပုဂ္ဂိုလ်၏ မပျက်စီးနိုင်သော ကိလေသာမှ လွတ်မြောက်ရာ အရဟတ္တဖိုလ်သမာဓိ၏ အန္တရာယ်ကို ပြုရန် ဖြစ်၏ ဟူ၍ ငါဆိုသည် မဟုတ်၊ အာနန္ဒာ လာဘ်ပူဇော် သကာ အကျော်အစောကို မမေ့မလျော့ ကိလေသာကို ပူပန်စေတတ်သော လုံ့လရှိလျက် နိဗ္ဗာန်သို့ စေလွှတ်အပ်သော စိတ်ရှိသည်ဖြစ်၍ နေသော ရဟန္တာပုဂ္ဂိုလ်သည် ရအပ်ရောက်အပ် ကုန်သော မျက်မှောက် ဘ၀၌ ချမ်းသာစွာ နေမှု (ဖလသမာပတ်)တို့၏ အန္တရာယ်ပြုရန် ဖြစ်၏ ဟူ၍ ငါ ဆို၏။
အာနန္ဒာ ဤသို့လျှင် လာဘ်ပူဇော်သကာ အကျော်အစောသည် ခက်ထန်၏၊ ထက်မြက်၏၊ ကြမ်းတမ်း၏၊ အတုမရှိသော ယောဂ၏ ကုန်ရာ အရဟတ္တဖိုလ်ကို ရခြင်း၏ အန္တရာယ်ကို ပြုတတ်၏။
အာနန္ဒာ ထို့ကြောင့် ဤသာသနာတော်၌ ဤသို့ ကျင့်ရမည် “ဖြစ်ပေါ်လာသော လာဘ်ပူဇော်သကာ အကျော် အစောကို စွန့်ကုန်အံ့၊ ဖြစ်ပေါ်လာသော လာဘ်ပူဇော်သကာ အကျော်အစောသည် ငါတို့၏ စိတ်ကို သိမ်းကျုံးယူငင်၍ မတည်နိုင်လတ္တံ့” ဟူ၍ ဤသို့လျှင် သင်တို့ ကျင့်ရမည် ဟု (ဟောတော်မူ၏)။

(၂) ရဟန္တာများ ခန္ဓပရိနိဗ္ဗာန်စံလျှင် ဓါတ်တော်ကျသည်ဆိုရာ၌ မည်သို့သောအခြေအနေ၊ မည်သို့သော ပုံသဏ္ဌာန်တို့အရ ဓါတ်တော်အစစ်ဖြစ်ကြောင်း သိနိုင်ပါသနည်း။
ဤနေရာတွင် ဓာတု-သဒ္ဒါသည် အရိုးကို ဟော၏။ ဓါတ်တော်-ဟူသည် အရိုးကိုပင် ဆိုလို၏။ ဘုရားရဟန္တာဟူသော အရိယာပုဂ္ဂိုလ်များ၏ အရိုးဖြစ်ခြင်းကြောင့် တော်-ထည့်ကာ ဓါတ်တော်- ဟု ခေါ်ခြင်းဖြစ်၏။ အရိုးရှိသောပုဂ္ဂိုလ်များ၏ ရုပ်အလောင်းကို မီးရှို့ရာ၌ အရိုးကျန်ခြင်းမှာ အထူးအဆန်းမဟုတ်။ မီးအားမပြင်းလျှင် သို့မဟုတ် အလုံးစုံပြာမဖြစ်ခင် ငြှိမ်းသတ်လျှင် ကျန်မည်သာဖြစ်၏။ အချို့ပုဂ္ဂိုလ်များကား မီးပြင်းရှို့ပါလျက် ကျန်သည်သာမဟုတ်ပါလော ဟူငြားအံ့။ အကယ်၍ သေဆုံးသူသည် သီလ-သမာဓိ-ပညာနှင့် ပြည့်စုံသော ပုဂ္ဂိုလ်ဖြစ်လျှင် သို့မဟုတ် အရိယာပုဂ္ဂိုလ်ဖြစ်လျှင် ထိုပုဂ္ဂိုလ်သည် သူ၏ရုပ်အလောင်းအား ဤသို့ဖြစ်စေ ထိုသို့ဖြစ်စေ-ဟု ကြံစည်တောင့်တခဲ့, အဓိဋ္ဌာန်ခဲ့လျှင် ထိုပုဂ္ဂိုလ်၏ အဓိဋ္ဌာန်ချက်အတိုင်း အထူးထူး အပြားပြား ဖြစ်နိုင်ပါသည်။ အဓိဋ္ဌာန်ချက် အထူးမရှိလျှင် မည်သူ၏ ရုပ်အလောင်းမဆို မီးရှို့လျှင် ပြာကျမည်သာ ဖြစ်ပါသည်။
ဘုရားရှင်တို့၏ ရုပ်အလောင်း ကြွင်းကျန်ပုံကို ဆိုပါမည်။ သက်တမ်းရှည်သော ဘုရားရှင်တို့၏ ရုပ်အလောင်းသည် ရွှေတုံးကြီးကဲ့သို့ တစ်ဆူတည်းသာ ကျန်ရစ်၏။ သက်တော်တိုသော ဘုရားရှင်တို့၏ ရုပ်အလောင်းသည် အစိတ်စိတ်အမွှာမွှာ ပြိုကွဲလျက် ကျန်ရစ်၏။ ထိုသို့ကွဲပြားခြားနားခြင်းမှာ အဓိဋ္ဌာန်ချက်ကြောင့်ပင် ဖြစ်၏။ မိမိတို့၏ ဂေါတမမြတ်စွာဘုရားရှင်သည်လည်း သက်တော်တိုသော ဘုရားရှင် ဖြစ်ခြင်းကြောင့် ဓါတ်တော်များ အစိတ်စိတ်ပြိုကွဲလျက် ကျန်ရစ်အောင် အဓိဋ္ဌာန်တော်မူ၏။ ထိုသို့အဓိဋ္ဌာန်တော် မူရခြင်း၏ ရည်ရွယ်ချက်မှာ ဤသို့ဖြစ်၏။
“ငါသည် ကြာမြင့်စွာ မတည်မူ၍ ပရိနိဗ္ဗာန် စံတော်မူရ၏၊ ငါ၏ သာသနာတော်သည် အလုံးစုံသောအရပ်၌ မပြန့်နှံ့သေး၊ သို့ရကား ပရိနိဗ္ဗာန်စံတော်မူပြီးလည်းဖြစ်သော ငါဘုရားရှင်၏ မုန့်ညင်းစေ့ အတိုင်းအရှည် ရှိသည်လည်းဖြစ်သော ဓါတ်တော်ကို ယူ၍ မိမိမိမိ၏ နေရာအရပ်၌ စေတီတည်၍ ပြုစုလုပ်ကျွေးသော လူအပေါင်းသည် နတ်ပြည်ဟူသော လည်းလျောင်းရာရှိသည်ဖြစ်စေသတည်း”ဟု နှလုံးသွင်းတော်မူ၍ ဓါတ်တော်တို့၏ ပြန့်ကြဲခြင်းကို အဓိဋ္ဌာန်တော်မူခြင်းဖြစ်၏။
အရွယ်အစား ပုံသဏ္ဍာန်အားဖြင့်ကား= စွယ်တော်လေးဆူ၊ ညှပ်ရိုးတော်နှစ်ဆူ၊ နှဖူးသင်းကျစ်တော် တစ်ဆူအားဖြင့် ခုနစ်ဆူသောဓါတ်တော်တို့သည် မပြိုမကွဲ ပကတိအတိုင်း တည်တော်မူသောကြောင့် အသမ္ဘိန္န ဓါတ်တော်မည်ကုန်၏။ ကြွင်းသောဓါတ်တော်များသည် အစိတ်စိတ်အမွှာမွှာ ပြန့်ကျဲသောကြောင့် သမ္ဘိန္နဓါတ်တော် မည်ကုန်၏။ ထိုဓါတ်တော်တို့တွင် (အလွယ်တကူ တည်တော်ဆရာတော်ကြီး၏ ယနေ့ဗုဒ္ဓ၀ါဒဆိုင်ရာအမေးအဖြေများ အမှတ်စဉ် ၂-မှ ကူးယူဖော်ပြပါမည်။) “ အကြီးဆုံးဓာတ်တော်ဟာ ပဲနောက်စေ့လောက်ရှိတယ်။ အရောင်က ရွှေရောင်အဆင်းရှိတယ်။ အခြင့်ပမာဏကတော့ ငါးပြည်ရှိတယ်။ အလတ်စား ဓာတ်တော်များက ဆန်ကျိုးစေ့ခန့်ရှိတယ်။ အရောင်က ပုလဲရောင်၊ အခြင့်ပမာဏကတော့ ငါးပြည်သားရှိတယ်။ အငယ်ဆုံး ဓာတ်တော်များက မုန်ညင်းစေ့လောက် ရှိတယ်။ အရောင်က ချယားစေ့ရောင် (သို့မဟုတ်) မြတ်လေးငုံရောင်၊ အခြင့်ပမာဏက ခြောက်ပြည်သားရှိတယ်။ အားလုံး ဓာတ်တော်များကို စုပေါင်းလိုက်လျှင် တစ်ဆယ့်ခြောက်ပြည်သား (သို့မဟုတ်) တစ်တင်းတိတိ ရှိတယ်။ သည်တစ်တင်းဆိုတာက ကုသိနာရုံပြည်မှာ သုံးတဲ့ တင်းတဲ့ကွယ်၊ ကုသိနာရုံမှာ သုံးတဲ့ တင်းဟာ ပကတိတင်းထက် ထက်ဝက်ကြီးသတဲ့။ ဒါကြောင့် ပကတိတင်းနဲ့ဆိုရင် ဓာတ်တော်နှစ်တင်းကျန်ရစ်သတဲ့။ စိတ်အားဖြင့် ဆိုလျှင် ရှစ်စိတ်ကျန်ရစ်သတဲ့။ ဒါကြောင့် လယ်တီဆရာတော်ရဲ့ ခုနစ်နေ့ဘုရားရှိခိုးလင်္ကာမှာ--
“ရှင်စောဥာဏ်စက်၊ ဓိဋ္ဌာန်ချက်ဖြင့်၊ လျှံတက်ကော်ရော်၊ မီးပူဇော်သည်၊ မွေတော်ရှစ်စိတ် ကြွင်းတယ်ကို”-လို့ ရေးဖွဲ့တော်မူ တာပေါ့”။

ဤကား ဘုရားရှင်ဓါတ်တော်တို့၏ အရွယ်အစားပုံသဏ္ဌာန်တို့ဖြစ်၏။ သာမန်ရဟန္တာတို့ကား သက်တော်တိုသော ဘုရားရှင်တို့ကဲ့သို့ ဝေနေယျတို့အား အထွေအထူး ငဲ့စရာမလိုခြင်းကြောင့် ဓါတ်တော်ကြွင်းကျန်ဖို့ရာ အဓိဋ္ဌာန်တော်မမူကြဖို့ များပါသည်။ မိမိတို့၏ တပည့်ပရိသတ်များ အားတက်စေလိုခြင်း၊ သာသနာတော်ကို တိုးတက်ကြည်ညိုစေလိုခြင်း-စသော အကြောင်းများကြောင့် အဓိဋ္ဌာန်တော်မူကြမည်ဆိုလျှင်လည်း အဓိဋ္ဌာန်တော်မူချက်အတိုင်း ဖြစ်နိုင်ပါသည်။
ပိဋကတ်၌ တွေ့ရသော ရဟန္တာပုဂ္ဂိုလ်များ၏ ဓါတ်တော်အနေအထားကို ဖော်ပြပါမည်။
ဆ၀ိမံသလောဟိတံ သပ္ပိဝိယ ဈာယမာနံ ပရိက္ခယံ ဂတံ သုမနမကုလသဒိသာ ဓာတုယောဝ အ၀သေသိံသု။ (မ၊ဋ္ဌ၊ ၄၊ ၁၄၀)
မဇ္ဈိမနိကာယ် ဗာကုလသုတ်အဋ္ဌကထာတွင် အရှင်ဗာကုလမထေရ် ပရိနိဗ္ဗာန်စံတော်မူပုံကို ဖွင့်ဆိုရာတွင် အရှင်ဗာကုလမထေရ်သည် ရဟန်းသံဃာများ ပလိဗောဓမများစေရန် ထိုင်လျက်ပင် တေဇောဓာတ်ဝင်စားကာ ပရိနိဗ္ဗာန်စံတော်မူ၏။ ခန္ဓာကိုယ်မှ မီးတောက်မီးလျှံ ထတောက်၏။ အရေအသား အသွေးသည် ထောပတ်ကဲ့သို့ လောင်ကျွမ်းလျက် ကုန်ခမ်းခြင်းသို့ရောက်၏။ မြတ်လေးပန်းငုံနှင့် တူကုန်သော (အဆင်းကိုဆိုလိုသည်) အရိုးဓါတ်တော်တို့သည်သာ ကြွင်းကျန်ကုန်၏။-ဟု ဖွင့်ဆိုထား၏။ (ဤမှတ်တမ်းအရ ဖြူဖွေးသော ဓါတ်တော်များဟု သိရ၏။)
အရှင်စုန္ဒသည် သူ၏ နောင်တော်ကြီး အရှင်သာရိပုတ္တရာ ပရိနိဗ္ဗာန်ဝင်စံတော်မူပြီးနောက် ကြွင်းကျန်သော ဓာတ်တော်များကို ရေစစ်အတွင်း ထည့်ကာ နာလကရွာမှ သာဝတ္ထိပြည်သို့ ဆောင်ယူခဲ့၏။ သာဝတ္ထိပြည် ဇေတ၀န် ကျောင်းသို့ ရောက်သောအခါ သူ၏ ဥပဇ္ဈာယ်ဆရာဖြစ်သော အရှင်အာနန္ဒာထံ အကြောင်းအကျိုး လျှောက်ထားကာ အပ်၏။ အရှင်အာနန္ဒာသည် ဓာတ်တော်ထည့် သည့် ရေစစ်ကို ဆောင်ယူပြီး အရှင်စုန္ဒနှင့်အတူ ဘုရားရှင်ထံ ရေစစ်နှင့်တကွ ဓာတ်တော်များကို အပ်၏။
ဘုရားရှင်က လက်တော်ကို ဆန့်တန်းပြီး ဓာတ်တော် ရေစစ်ကို ခံယူတော်မူ၏။ ခံယူပြီး၍ လက်ဖ၀ါးအပြင်၌ တင်ထားပြီး အရှင်သာရိပုတ္တရာ၏ ဂုဏ်များကို ပေါ်လွင်ထင်ရှားစွာ ထုတ်ဖော်ကာ ဓာတ်တော်များကို ရှိခိုးစေ၏။ ပြီးသောအခါ ရှင်သာရိပုတ္တရာ၏ ဓာတ်တော်များကို စေတီ တည်စေ၏။ ထို့အတူ ရှင်မဟာမောဂ္ဂလ္လာန်စသော ရဟန္တာများ၏ ဓာတ်တော်များကိုလည်း ဓာတုစေတီ တည်ထားစေ၏။ (စုန္ဒသုတ်အဋ္ဌကထာ) (ဤမှတ်တမ်းအရ ဓါတ်တော်အနေအထားမှာ သိပ်မများဟု သိရ၏။)
“ရဟန္တာဓါတ်တော်များသည် မြတ်စွာဘုရားဓါတ်တော်များလောက် သေးသေးမွှားမွှား မဖြစ်၊ မြတ်စွာဘုရား ဓါတ်တော်များမှာ အကြီးဆုံး ပဲနောက်ပမာဏမျှ ဖြစ်သည်။ ရဟန္တာဓါတ်တော်များမှာ ပဲကြီးစေ့၊ မတ်ပဲစေ့၊ ရွေးကြီးစေ့နှင့် ကျောက်စရစ်ခဲ ပမာဏရှိကြောင်း မှတ်သားရဖူးပါသည်။” (ဘာသာရေးပြဿနာများ (၁) ရဝေထွန်း)ဟု ဆရာတော် အရှင်တိလောကသာရ ဖြေကြားဖူးသည်ကိုလည်း မှတ်သားရ၏။
ဤမျှဖြင့် မေးခွန်းရှင်သိလိုသမျှ ပြည့်စုံပြီဟု ယူဆပါသည်။
အရှင်ကောဝိဒ (ယော)